Абай облысындағы өрт кезінде жоғалған тракторшының мәйіті табылды

Абай облысында 10 маусымнан бері хабар-ошарсыз кеткен тракторшының мәйіті табылды.

Жергілікті полиция Бесқарағай ауданы Долон ауылының тұрғыны Сергей Архиповтың іздеу іс-шараларын жүргізу барысында ер адамның мәйітін тапты. Мәйітте зорлық-зомбылық белгілері жоқ, ол өртті сөндіру орнынан 50 шақырым жерден табылды.

Ер адамның денесі қызметтік иттің көмегімен табылды. Ол Абай облысы полиция департаментінің кинологиялық есебінің құрамында жұмыс барысында сигнал беріп, трактор табылған жерден орман жолағына дейін ер адамның жолымен жүрді, - делінген полиция таратқан ақпаратта.

Сот-медициналық сараптама тағайындалды. Оның нәтижесі бойынша процестік шешім қабылданады.

13 маусымда өткен Үкімет отырысында Абай облысының әкімі Нұрлан Ұранхаев Архиповтың тракторы табылғанын айтты.

Айта кетейік, бұған дейін орманда шыққан өрт кезінде 14 адамның қайтыс болғаны хабарланды.