Астанада қызылшамен 63 ересек адам ауырып жатыр

Астананың инфекциялық стационарлары қызылшаға байланысты күшейтілген режимде жұмыс істеп жатыр.

Маусымдық вирустық инфекциялармен, оның ішінде қызылшамен аурып жатқан адамдардың көбеюіне байланысты №3 көпсалалы қалалық балалар ауруханасына өтініш жазған науқастардың саны артты. Қабылдау бөлмесінде медициналық көмекке зәру адамдар ұзын-сонар кезекте тұр, деп хабарлады Астана әкімдігінің ресми сайты.

Иә, шынында да, дәрігердің қабылдауын күту уақыты кейде 1,5-3 сағаттан асады. Себебі пациенттердің жедел жәрдем және өзін-өзі емдеу бойынша өтініштерінің саны 2,5 есеге дейін көбейді. Бұл вирустық инфекциялармен – ЖРВИ, қызылша, ЖІИ (жедел ішек инфекциясы) жиілігінің артуына байланысты.

Осыған байланысты жалпы қабылдау бөлмесінде дәрігерлерді қабылдаудың 8 бекеті, оның ішінде қызылша бойынша қабылдау бөлмесінде 2 бекет ұйымдастырылды. Тәуекел тобындағы балаларға (Triage – жүйесі бойынша қызыл түс, - ред.) кезектен тыс қызмет көрсетіледі. Сондай-ақ, әрбір инфекциялық бөлімшеде қосымша орта медициналық персоналдың тағы бір бекеті орналастырылды, – деп түсіндірді ауруханада.

Денсаулық сақтау басқармасының мәліметіне қарағанда, қалада қызылша бойынша төсек-орындардың жалпы санының жүктемесі 42% . Ересектер арасында қызылшамен стационарлық емдеуде 63 науқас бар. Олардың жағдайы – орташа ауыр.

Біз ересектер арасында қызылшаны жұқтырған адам аз. Көбінесе мектеп жасына дейінгі балалар ауырып жатыр. 1 жастан 7 жасқа дейінгі балалардың 70%-ы қызылшамен ауруханада емделуде. Бұл екпе алмаған балалар, ал вакцинация алғандар қатты ауырып жатқан жоқ.

Олардың денесінде қызу мен бөртпе болмайды. Ауру 3-5 күн ішінде жүреді. Оларды вакцина құтқарды, –  делінген қалалық Денсаулық сақтау басқармасы таратқан хабарламада.

Дәрігерлер қызылшаның алдын алу және қорғау вакцинация арқылы ғана мүмкін екенін кезекті рет еске салады.

Астанада қызылшаға қарсы 6 айдан бастап балаларды қосымша жаппай иммундау жалғасуда.

Балалар екпені қаланың барлық МСАК ұйымдарында (емханаларында) тегін ала алады.