Тамызда Қазақстан бойынша 369 тоннадан астам АИ-95 бензинін тасымалдау жоспарланған

Индустрия және инфрақұрылымдық даму министрлігінің мәліметінше, қазір Қазақстандағы магистральді автожолдар арқылы бензин тиелген 1 мың 47 цистерна өңірлерге жеткізіліп жатыр. Олардың ішінде АИ-95 маркалы жағармайы бар цистернаның саны – 341. Барлық мұнай өнімі диспетчерлік бақылаумен белгіленген жылдамдықпен жеткізілмек.

Айта кетсек, бензинді жеткізу жүк тасымалдаушы ұйым мәлімдеген жоспарларға сәйкес іске асырылып жатыр. Демек тасымалдаушы отынның қандай да бір түрін жөнелтуге әсер ете алмайды. Қазір мұнай өңдеу зауыттарынан жүктерді тасымалдауға қатысты барлық өтініш 100% қамтамасыз етілді.

Мәселен, жоспар бойынша тамызда ішкі нарыққа АИ-95 маркалы бензиннің 369,7 мың тоннасы жеткізіледі. Тамыз айының алғашқы 7 күнінде оның 102,6 мың тоннасы немесе айлық жоспардың 27%-ы тасымалданды.

Бұл ретте биылғы тамыздың басында бензин құю жоспары келесідей болғанын айта кеткен жөн:

Атырау МӨЗ бойынша – 125 цистерна, оның ішінде 21 цистерна АИ-95 бензині;

Шымкент МӨЗ бойынша – 102 цистерна, оның ішінде бірде-бір АИ-95 вагоны қарастырылмаған;

Павлодар МӨЗ бойынша – 80 цистерна, оның ішінде барлығы 20 цистернада АИ-95 бензині бар.