Головкин Қазақстанға оралып, алғашқы фотосын жариялады

Бокстан орта салмақтағы әлемнің экс-чемпионы Геннадий Головкин әлеуметтік желідегі парақшасында Қазақстанға оралғаннан кейінгі алғашқы фотосын жариялады.

Ол дастархан басында отырып, қазақтың ұлттық тағамдары қойылған фотосуретті жариялап, Instagram-дағы геолокациясын «Қазақстан» деп көрсеткен.

Дастархан басында. Үйде жақсы екен, – деп жазды ол.

Бұған дейін боксшы Сұлтан Зәуірбек әуежайда Геннадий Головкинмен түскен фотосын жариялап, елге бірге бара жатқанын жазған еді.

Гена ағамызбен елге қайттық, – деген-ді ол сол кезде.

Әзірше Головкин елге келісімен алдағы жоспары туралы айтпады. Ол соңғы рет мексикалық Сауль «Канело» Альвареске қарсы үш рет жекпе-жек өткізген болатын. Сол кезде Головкин үш кездесудің біреуінде Альвареспен тең түссе, екеуінде төрешілердің шешімімен жеңілген еді.