Қарағанды облысында балықшылар құтқарылды

Қарағанды облысында балық аулауға шыққан ер адамдар құтқарылды.

ТЖМ баспасөз қызметінің мәліметінше, оқиға Осакаров ауданындағы Молодежный кентінен 17 шақырым жердегі Қаныш Сәтбаев атындағы су каналының 10-торабында болған. Қатты желдің салдарынан қайықтағы екі балықшы жағалауға 500 метр қашықтықта өз бетінше орала алмады

Құтқарушылар шақырту орнына жедел барып, балықшылармен бірге қайықты жағаға аман-есен жеткізді.

ТЖМ ескертеді:

• су қоймасына желді ауа райында шығуға болмайды;
• қайыққа мінген кезде міндетті түрде құтқару кеудешесін кию керек.