USD
Мемлекет басшысы Қасым-Жомарт Тоқаевтың Жарлығымен Мұрат Сейтмолдаұлы Мұханов Қазақстан Республикасының Төтенше жағдайлар министрі қызметіне тағайындалды.
Жаңа министрдің кандидатурасы бұған дейін Құрылтайдың Халықаралық істер, қорғаныс және қауіпсіздік комитетінде қаралып, қолдау тапқан.
Комитет отырысында Мұрат Мұхановты Төтенше жағдайлар министрі лауазымына тағайындау мәселесі талқыланды. Кандидатураны қарау «Қазақстан Республикасының Құрылтайы және оның депутаттарының мәртебесі туралы» Конституциялық заңның 30-бабы негізінде жүзеге асырылған.
Жиын қорытындысы бойынша комитет мүшелері Мұрат Мұхановтың кандидатурасын аталған қызметке тағайындауға келісім беру туралы тиісті қорытынды қабылдады.
Осыдан кейін оның кандидатурасы мемлекет басшысының қарауына ұсынылып, нәтижесінде Мұрат Мұханов Төтенше жағдайлар министрі болып тағайындалды.
