USD
Мемлекет басшысы Қасым-Жомарт Тоқаевтың Жарлығымен Жаслан Хасенұлы Мәдиев Қазақстан Республикасы Премьер-Министрінің орынбасары – Жасанды интеллект және цифрлық даму министрі қызметіне тағайындалды.
Бұған дейін Мәдиевтің кандидатурасы Құрылтайдың Цифрландыру, инновациялар және ғылым комитетінде қаралып, қолдау тапқан еді.
Комитет мүшелері оның кандидатурасын министрлік басшылығына ұсыну мәселесін «Қазақстан Республикасының Құрылтайы және оның депутаттарының мәртебесі туралы» Конституциялық заңның 30-бабына сәйкес қарастырған.
Отырыстың қорытындысы бойынша депутаттар Жаслан Мәдиевті Премьер-Министрдің орынбасары – Жасанды интеллект және цифрлық даму министрі лауазымына тағайындауға мүмкіндік бар деген қорытынды қабылдады.
Осыдан кейін кандидатура мемлекет басшысының қарауына ұсынылып, тиісті Жарлықпен Мәдиев жаңа қызметке тағайындалды.
