USD
Ақтөбе облысында ауыр жол-көлік оқиғасы болып, алты адамның өмірі қиылды. Апатқа екі Toyota Camry көлігінің соқтығысуы себеп болған.
Жол апаты Ақтөбе – Астрахань бағытындағы автожолдың 94-шақырымында, Қандыағаш қаласына жақын аумақта болған. Аталған жер Мұғалжар ауданының аумағына қарайды.
Полиция мәліметінше, оқиғаға байланысты қылмыстық іс қозғалған. Қазір тергеу амалдары жүргізіліп, жол-көлік оқиғасының барлық мән-жайы анықталып жатыр.
Құқық қорғау органдары қаза болған азаматтардың туған-туыстары мен жақындарына көңіл айтты.
Полиция жүргізушілерді жолдағы қауіпсіздік талаптарын сақтауға, жылдамдықты жол жағдайына қарай таңдауға және көлік басқару кезінде барынша сақ болуға шақырды.
