Мысырда 100-ден астам саркофаг табылды

Мысырда жаңа жәдігерлер, екі жарым мың жылдан астам уақыт сақталған жүзден астам саркофаг, жерлеу орындары мен ондаған мүсін табылды, - деп хабарлайды Taunews.kz Euronews-ке сілтеме жасап.

Тереңдігі шамамен 12 метр болатын үш жерлеу құдығы ашылған. Ғалымдар бұл жерде жергілікті ағаштан жасалған саркофагты шығаратын үлкен шеберхана болған деп болжап отыр. Егер ол табылса, египетология тарихындағы ең ірі және құнды жәдігерлердің қатарына кіруі мүмкін.

Пирамидалардан оңтүстікке қарай 16 км жерде орналасқан Саккараның алып қорымында бірнеше ай бойы жүргізіп жатқан қазба жұмыстары әлі де жалғасады. Мамандардың айтуынша, әзірге Саккарада жасырынып жатуы мүмкін артефактілердің тек бір пайызы ғана табылған.