USD
Америкалық YouTube-блогер MrBeast (нағыз аты – Джимми Дональдсон) алдағы үйлену тойын өткізу үшін анасынан қарыз алуға мәжбүр болғанын айтты. Бұл жаңалық оның жанкүйерлері үшін нағыз тосынсый болды.
Соңғы мәліметтерге сәйкес, MrBeast-тің YouTube-та 400 миллион жазылушысы бар. Орта есеппен оның видеосы айына 3 миллиард қаралым жинайды. Оның аудиториясы бүкіл әлемді қамтиды, әрі көрермендердің 70 пайызы АҚШ-тан тыс жерде тұрады.Сонымен қатар, кейбір деректерге сүйенсек, 2025 жылы MrBeast-тің байлығы 1 миллиард доллар деп бағаланған.
Соған қарамастан 2025 жылдың 2 маусымында Дональдсон алдағы үйлену тойына төлем жасау үшін анасынан қарыз алғанын мәлімдеді. Ол бұл туралы X әлеуметтік желісіндегі парақшасында жазды.
Ол қаражаттың бәрін қайта инвестициялауға жұмсайтыны алға тартты.
Күлкілі жағдай – мен алдағы үйлену тойымды өткізу үшін шынымен анамнан қарыз алып жатырмын. Бірақ қағаз жүзінде бизнесім өте қымбат тұрады, – деп жазды филантроп.
MrBeast-тің қалыңдығы – Оңтүстік Африка Республикасынан шыққан киберспорт комментаторы және онлайн-геймер Теа Буйсен.
