Сыртқы істер министрінің бірінші орынбасары тағайындалды

Мемлекет басшысының өкімімен Қайрат Омаров ҚР Сыртқы істер министрінің бірінші орынбасары лауазымына тағайындалды.

Қайрат Ермекұлы бұған дейін Аустриядағы төтенше және өкілетті елшісі, Қазақстанның Вена қаласындағы халықаралық ұйымдар жанындағы тұрақты өкілі, ҚР Словениядағы төтенше және өкілетті елшісі қызметін қоса атқарған.

Ал, бұған дейін Сыртқы істер министрінің бірінші орынбасары болған Ақан Рахметуллин қызметінен босатылып, Қазақстанның БҰҰ жанындағы тұрақты өкілі болып тағайындалды.