USD
Ташкентте ауруханаға түскен қарағандылық жас футболшыларға қатысты жаңа мәлімет белгілі болды. Олардың барлығы «G’ayrat Hoji ota hotel» қонақүйіне орналасып, сол жерде тамақтанған.
Қарағанды облысының дене шынықтыру және спорт басқармасының мәліметінше, қазіргі уақытта 16 бала, бір жаттықтырушы және 11 ата-ана Ташкент ауруханаларында ем қабылдап жатыр.
Жас футболшылар Өзбекстан астанасына 28 қазан мен 2 қараша аралығында өткен «Dostik Cup» халықаралық турниріне қатысу үшін барған. Қарағанды облысынан жарысқа барлығы 60 бала, 32 ата-ана және төрт бапкер аттанған.
