Әл-Фараби атындағы Қазақ ұлттық университетінде тағы бір қайғылы жағдай тіркелді. Оқу орнының бірінші курс студенті көз жұмды. Аталған оқиғаға байланысты күдікті ұсталды. Бұл туралы Алматы қалалық Полиция департаментінің баспасөз қызметі хабарлады.
Полиция мәліметінше, оқиғаға қатысты Бостандық аудандық полиция басқармасы қылмыстық іс қозғаған. Қазіргі уақытта тергеу амалдары жүргізіліп жатыр.
Бұған дейін ҚазҰУ-дың География және табиғатты пайдалану факультетінде білім алған бірінші курс студентінің қайтыс болғаны белгілі болған еді. Университеттің баспасөз қызметі бұл ақпаратты растады.
Оқу орнының ұжымы марқұмның туған-туыстары мен жақындарына көңіл айтып, отбасына материалдық және моральдық көмек көрсетіп жатқанын мәлімдеді.
Әзірге қайғылы оқиғаның өзге мән-жайлары жарияланған жоқ.
USD