USD
Шығыс Қазақстан облысының Глубокое ауданында тұратын 63 жастағы әйелдің үш жыл бойы шет мемлекеттің азаматтығын алғанын хабарламағаны анықталды. Осыған байланысты ол Қазақстан азаматтығынан айырылды.
Облыстық полиция департаментінің мәліметінше, әйел 2023 жылдың шілдесінде басқа елдің азаматтығын алған. Алайда бұл туралы тиісті мемлекеттік органдарға хабарламаған. Осы уақыт аралығында ол екі елдің азаматы ретінде өмір сүріп келген.
Құқық қорғау органдары заңбұзушылықты анықтағаннан кейін әйелге қатысты тиісті шаралар қабылдап, Қазақстан азаматтығынан айыру туралы шешім шығарған.
Полицияның хабарлауынша, жыл басынан бері Шығыс Қазақстан облысында 650-ден астам адам Қазақстан азаматтығынан айырылған. Бұдан бөлек, азаматтыққа қатысты заң талаптарын бұзған тағы 48 адам жауапкершілікке тартылған.
Еске салайық, Қазақстан заңнамасына сәйкес, ел азаматтарына қос азаматтыққа жол берілмейді. Егер Қазақстан азаматы шет мемлекеттің азаматтығын алса, 30 күнтізбелік күн ішінде бұл туралы уәкілетті органдарға хабарлап, Қазақстан азаматының паспорты мен жеке куәлігін тапсыруы қажет.
