Алматыға карантиндік шектеу шаралары енгізілді

Алматы қаласының бас санитарлық дәрігері Қарлығаш Әбдіжаббарова карантиндік шектеулерді қатаң сақтауға шақыратын 2022 жылғы 13 қаңтардағы №1 қаулыға қол қойды.

Құжатта Алматының эпидемиологиялық ахуалды бағалау матрицасының «қызыл» аймағында орналасқандығы көрсетілген. Осыған байланысты тұрғындар келесі талаптарды қатаң сақтауы керек:

Ashyq жобасына 30 адамға дейін қатысатын объектілерде еске алу рәсімдерін жүргізуді қоспағанда, ашық ауада да, үй ішінде де, отбасылық, еске алу іс-шараларын қоса алғанда, оның ішінде үйде өткізілетін бұқаралық іс-шараларды өткізуге және оларға қатысуға тыйым салу;
қоғамдық орындарға, оның ішінде қалалық қоғамдық көлікке және қызметіне рұқсат етілген объектілерге барған кезде, сондай-ақ қоғамдық орындарда ашық ауада болған кезде (5 жасқа дейінгі балаларды қоспағанда және ашық ауада спортпен шұғылданған кезде) – бетперде тағу, әлеуметтік қашықтықты сақтау және антисептиктерді пайдалану;
ПТР-зерттеудің оң нәтижесін алған кезде («қызыл мәртебе») және COVID-19 науқаспен жақын байланыста болған кезде («сары мәртебе») (жақын байланыс) және COVID-19-ға қарсы вакцинацияның толық курсын алғаны туралы құжаттық растау болмаған кезде – 14 күн ішінде өзін-өзі оқшаулау режимі.
Сонымен қатар, спорттық-сауықтыру орталықтарына, фитнес-орталықтарға, йога-орталықтарға, моншаларға, сауналарға, бассейндерге кіруге 2022 жылғы 15 қаңтардан бастап Ashyq «жасыл» мәртебесі бар адамдарға ғана рұқсат етіледі. Сондай-ақ, Ashyq жобасына 30 адамға дейін қатысатын объектілерде еске алу шараларын өткізуді қоспағанда, ашық ауада да, үй ішінде де, отбасылық, еске алу іс-шараларын қоса алғанда, оның ішінде үйде де бұқаралық іс-шараларды өткізуге тыйым салынды.
 Ashyq жобасына қатысуына қарамастан тыйым салу:

концерт залдарының, театрлардың, цирктердің, филармониялардың қызметіне;
діни бірлестіктер объектілерінде (мешіттер, шіркеулер, соборлар, синагогалар және т.б.) ұжымдық іс-шаралар (жұма-намаз, діни жоралар және т.б.) өткізуге;
конференциялар, семинарлар, көрмелер, форумдар өткізуге;
түнгі клубтардың қызметіне;
қоғамдық тамақтану объектілерінде орналасқан барлардың қызмет көрсетуіне, ән айту және би қызметтерін ұсына отырып, караоке қызметіне (қоғамдық тамақтану бойынша қызметтерді қоспағанда);
жеке кездесулер өткізуге (10 екпе алған адамға дейін).
Алматы қаласының бас санитарлық дәрігері қысқарту туралы қаулы қабылдады:
қоғамдық тамақтану объектілерінде бір үстелге келушілер саны 4 адамға дейін (әртүрлі үй шаруашылықтарынан);
қызыл аймақтағы кинотеатрлардың (Ashyq жобасына қатысушылардың) толымдылығы – 30%-дан аспайды.
«Тіршілікті қамтамасыз ету және коммуналдық шаруашылық объектілерін қоспағанда, қызметкерлерді COVID-19-ға қарсы вакцинациялауды және ревакцинациялауды жүргізуге қарамастан, мемлекеттік органдар (ұйымдар), ұлттық компаниялар, кәсіпорындар персоналының кемінде 70%-ы қашықтықтан жұмыс нысанына ауыстырылсын.

Меншік нысанына қарамастан мектептерде оқыту қашықтық форматта болады. Барлық курстардың студенттері үшін жоғары оқу орындары мен колледждердің жұмысын аралас оқыту форматында ұйымдастыру: барлық дәрістер – онлайн, практикалық, зертханалық, семинарлық сабақтар – ыңғайлы кесте бойынша штаттық форматта. Вакцинацияның толық курсын аяқтаған вакцинацияланған студенттерді оқу орны әкімшілігінің қалауы бойынша штаттық режимде оқытуға жол беріледі.

Қосымша білім беру ұйымдарында жеке сабақтар шеңберінде оқыту – тұрақты режимде, топтық сабақтарда – 10 адамға дейін, балалар мен ересектерге арналған түзету орталықтарында, жеке және топтық сабақтарда – тұрақты режимде – 10 адамға дейін», - делінген Қаулы мәтінінде.

Сондай-ақ мониторингтік топтардың жұмысы күшейтіледі. Қаулы 14 қаңтардан бастап күшіне енеді.