Дархан Ділманов ҰҚК төрағасының орынбасары - Шекара қызметінің директоры лауазымынан босатылды

05 сәуір 2022 12:15

Дархан Ділманов Ұлттық қауіпсіздік комитеті төрағасының орынбасары – Шекара қызметінің директоры лауазымынан босатылды.

"Мемлекет басшысының өкімімен Дархан Айтқалиұлы Ділманов Қазақстан Республикасы Ұлттық қауіпсіздік комитеті Төрағасының орынбасары – Шекара қызметінің директоры лауазымынан босатылды", делінген жарлықта.

Бұл қызметке Дархан Ділманов 2015 жылы тағайындалған болатын.

2014 жылы қарашада ҰҚК Шекара қызметінің басшысы міндетін уақытша атқарушы болып тағайындалған. Бұған дейін Дархан Ділманов шекара қызметінің тәрбие және әлеуметтік-құқықтық, кадрлармен жұмыс бас басқармасы бастығының орынбасары болған.