Президент: Конституцияның 30-дан астам бабына өзгеріс енгізу қажет

Мемлекет басшысы Қасым-Жомарт Тоқаев Қазақстан халқына Жолдауында Конституцияның 30-дан астам бабына өзгеріс енгізу қажет екенін айтты.

"Бұл бастамалар еліміздің саяси жүйесі мен әкімшілік-аумақтық құрылымын едәуір өзгертеді. Оны жүзеге асыру үшін Конституцияның 30-дан астам бабына өзгеріс енгізу қажет. Сондай-ақ, жылдың соңына дейін тағы 20-дан астам заң қабылдау керек", - деді Тоқаев.

Тоқаевтың халыққа Жолдауы республикалық телеарналарда тікелей эфирде көрсетіліп жатыр.