16 жастағы қазақстандық гимнаст Гран-приде жүлде жинап, бес медальға қол жеткізді

Қазақстандық жас гимнаст Ақмарал Ерекешева Чехияның Брно қаласында ұйымдастырылған Гран-при кезеңінде сәтті өнер көрсетіп, бірден бес жүлдеге қол жеткізді.

16 жастағы спортшы көпсайыс бағдарламасында күміс жүлдеге ие болып, жалпы есепте екінші орынға тұрақтады. Бұдан бөлек, ол жекелеген жаттығулар бойынша төрт финалға жолдама алды.

Финалдық сайыстарда Ақмарал Ерекешева үздік нәтижелерін көрсетті. Шығыршықпен орындалатын жаттығуда 29,150 ұпай жинап, жарыстың алтын медалін жеңіп алды.

Ал доппен өнер көрсетуде қазақстандық гимнаст 28,000 ұпай иеленіп, күміс жүлдеге қол жеткізді. Ұршықтармен орындалған жаттығуда оның нәтижесі 29,050 ұпай болып, тағы бір күміс медаль еншіледі. Таспамен орындалатын бағдарламада спортшы 27,600 ұпай жинап, үшінші күміс жүлдесін қоржынға салды.

Осылайша, Ақмарал Ерекешева Брнодағы Гран-при кезеңін бір алтын және төрт күміс медальмен қорытындылады.