USD
«Қазгидромет» алдағы үш күнге арналған Қазақстан бойынша ауа райы болжамын ұсынды. Синоптиктердің мәліметінше, ел аумағында ауа райының өзгеруіне әкелетін бірнеше барикалық жүйе бірін-бірі алмастырады.
Болжамға сәйкес, жауын-шашынның тоқтап, температураның төмендеуіне әсер еткен антициклон Қазақстан аумағынан ығыса бастайды. Оның орнына алдымен батыс, кейін солтүстік өңірлерге циклон келеді.
Циклонның әсерінен аталған аймақтарда жаңбыр жауып, найзағай болуы мүмкін. Кей жерлерде жел күшейіп, ауа райы құбылмалы сипат алады.
Ал Қазақстанның оңтүстік облыстарында жағдай біршама тұрақты болады. Өзбекстан аумағынан келетін жылы ауа массаларының ықпалымен бұл өңірлерде жауын-шашынсыз, жылы ауа райы сақталады.
Осылайша, алдағы күндері елдің солтүстік және батыс бөлігінде жаңбырлы әрі желді ауа райы байқалса, оңтүстікте жылы және құрғақ күндер жалғасады.
