USD
Маңғыстау облысында SUP-бордпен теңізге шыққан ер адам қайғылы жағдайда көз жұмды. Оқиға 30 тамыз күні сағат 16:10 шамасында Ақтау қаласынан шамамен 45 шақырым қашықтықтағы «Жылы жағажай» аумағында тіркелген.
Алдын ала мәлімет бойынша, 1998 жылы туған азамат SUP-бордпен Каспий теңізінің бетінде серуендеп жүрген кезде суға батып кеткен.
Қайғылы оқиға арнайы шомылуға арналмаған аумақта болған. Ер адамның достары оны жағалаудан шамамен 10 метр жерден байқап, судан алып шыққан.
Оқиға орнына жедел-құтқару қызметінің мамандары, Маңғыстау облысының Төтенше жағдайлар департаменті мен полиция қызметкерлері, сондай-ақ жедел жәрдем бригадасы жеткен. Мамандар медициналық көмек көрсетуге тырысқанымен, ер адамның өмірін сақтап қалу мүмкін болмады.
Маңғыстау облысының ТЖД тұрғындар мен өңірге келетін қонақтарға қауіпсіздік талаптарын сақтауды ескертеді. Құтқарушылар шомылуға рұқсат етілмеген жерлерде суға түспеуге және Каспийде демалу кезінде белгіленген қауіпсіздік ережелерін қатаң ұстануға шақырады.
