USD
Астананың сол жағалауында BMW көлігінің аударылып қалған сәті түсірілген видео әлеуметтік желілерде тарады. Жол-көлік оқиғасы бүгін, 18 қыркүйекте болған.
Оқиғаға қатысты қалалық полиция департаменті түсініктеме берді. Ведомствоның мәліметінше, жол апаты кезінде ешкім зардап шекпеген.
Полицияның хабарлауынша, көлік жүргізушісі жолдағы кедергіні дер кезінде байқап, тиісті әрекет жасай алмаған. Соның салдарынан ол рульді басқара алмай қалып, жол жиегіндегі тасқа соғылған. Соққыдан кейін BMW аударылып кеткен.
«Жүргізуші жолдағы кедергіге дер кезінде әрекет ете алмай, рульді босатып алған. Кейін жол бойындағы тасқа соғылып, көлік аударылған», – деп хабарлады полиция.
Оқиғадан кейін көлік арнайы айып тұрағына қойылды. Қазіргі таңда жол апатына қатысты тиісті шаралар жүргізілуде.
