USD
Бір аптадан кейін Астанадағы ЛРТ-ның бірнеше станциясы арасында қозғалыс басталады. Бұл туралы бүгін Мәжіліс кулуарында Астана әкімі Жеңіс Қасымбек мәлім етті.
«Біз келесі аптада, яғни, бір аптадан кейін тест режимінде бір-екі станцияның арасында пойыздардың қозғалысын бастаймыз. Жалпы тест режимі 3 айдан алты айға дейін созылады. Қазан айында қосымша сегіз пойыз келеді. Желтоқсанға дейін толғымен 18 құрам келеді», – деп мәлім етті Жеңіс Қасымбек.
Әкімнің жоспары ойдағыдай болса, ЛРТ келесі жылдың бірінші тоқсаны біткенше толық іске қосылады.
