Моңғолия президенті Ухнаагийн Хурэлсүх 17 қарашада Facebook-тегі ресми парақшында өткен тікелей эфирде қызметінен өз еркімен кететінін мәлімдеді.
Елде Таван-Толгой – Гашуунсухайт теміржолының құрылысына байланысты дау туындаған. Аталған жоба бойынша құпия тендер өткізіліп, 110 миллион доллар көлемінде пара алынған болуы мүмкін деген күдік бар.
Осы жағдайға байланысты 16 қарашада оппозиция өкілдері президент пен іске қатысы бар деп айыпталған бірқатар шенеуніктің отставкаға кетуін талап етті.
Бүгінгі мәлімдемесінде Хурэлсүх өзіне тағылған айыптарды жоққа шығарып, кінәсіз екенін дәлелдеуге дайын екенін айтты.
«Бұл айыптаулардың барлығы жалған екенін дәлелдеу үшін қызметімнен кетіп, ар-намысымның таза екенін көрсетемін», – деді ол.
Сондай-ақ президент тергеу органдарымен ынтымақтасуға дайын екенін жеткізді. Ол пара алу туралы күдіктерді жоққа шығарып, өз ұстанымын дәлелдеуге ниетті.
USD