Қатты жауын-шашын: алдағы күндері ауа райы қандай болады

“Қазгидромет” РМК мамандары алдағы күндерге арналған ауа райы болжамын ұсынды.

Синоптиктер алдағы күндері оңтүстік циклон ҚР басым бөлігінде ауа райын анықтайтынын айтады. Жаңбыр мен қар түрінде жауын-шашын болады, 25-26 ақпан күндері оңтүстікте, 26-27 ақпанда түнде оңтүстік-шығыс аймақтарда қатты жауын-шашын (жаңбыр, қар), таулы аймақтарда қар түрінде болады. Жауын-шашын желдің күшеюімен, төмен қарлы боранмен және көктайғақпен бірге жүреді. ҚР бойынша тұман болады деп болжануда.

Түнгі уақытта ауа температурасының солтүстікте, солтүстік-батыста, елдің орталығында 8-18 аязға дейін, оңтүстікте, оңтүстік-шығыста 5-12 аязға дейін, шығыста 15-20-ға дейін, аймақтың оңтүстігінде 5 аязға дейін төмендеуі күтілуде.