Қазақстандық спортшы Дүниежүзілік көшпенділер ойындарында қола медаль жеңіп алды

Қазақстандық спортшы Нұрсұлтан Есімбай Қырғызстанда өтіп жатқан VI Дүниежүзілік көшпенділер ойындарында жүлдеге ілікті.

Ол 90 келіге дейінгі салмақ санатында таяқ тартудан сынға түсіп, жарысты үшінші орынмен аяқтады.

Осы нәтижесінің арқасында Нұрсұлтан Есімбай дүбірлі додада Қазақстан қоржынына қола медаль салды.

Айта кетейік, таяқ тарту – көшпенді халықтардың дәстүрлі күш сынасу түрлерінің бірі. Спортшылар бұл бәсекеде күш, тепе-теңдік пен ептілігін көрсетеді.