USD
Ақмола облысының Көкшетау қаласында құрылыс алаңында қайғылы оқиға болды. 19 жастағы жас жігіт салынып жатқан көпқабатты нысанның тоғызыншы қабатынан құлап, көз жұмды.
Полиция мәліметінше, оқиға 8 қыркүйекте тіркелген. Құрылыс жұмыстары жүріп жатқан ғимаратта 2007 жылы туған азамат биіктіктен құлап кеткен.
Жас жігіт алған ауыр жарақаттарының салдарынан оқиға орнында қайтыс болған.
Аталған дерек бойынша қылмыстық іс қозғалды. Қазіргі уақытта полиция қызметкерлері тергеу жұмыстарын жүргізіп, оқиғаның қалай болғанын және оған қандай жағдайлар себеп болғанын анықтап жатыр.
Тергеу нәтижесінде қайғылы жағдайдың барлық мән-жайына құқықтық баға берілмек.
