Көркем гимнастикадан Қазақстан құрамасы әлем кубогының кезеңіне қатысады

Көркем гимнастикадан Қазақстан құрамасы Афинада әлем кубогы кезеңіне қатысады, деп хабарлайды Olympic.kz.

18 наурыз күні Грекияның Афина қаласында көркем гимнастикадан әлем кубогының кезеңі басталады. Қазақстандық спортшылар жекелей және топтық жаттығулар бойынша бақ сынайды. Жекелей сында Эльжана Таниева мен Айбота Ертайқызы өнер көрсетсе, құрама қыздары топтық сайысқа қатысады.

Айта кетерлігі, аталған әлем кубогының кезеңі 20 наурызға дейін жалғасады.