Жамбыл облысында 22 ұрланған қару табылды

Жамбыл облысында 22 ұрланған қару табылды, деп хабарлайды Polisia.kz.

 Жамбыл облысы Полиция департаментінің қызметкерлері өткен аптада 22 қару мен 800-ге жуық түрлі калибрлі патрондарды тәркіледі. Олардың ішінде үш жарық-шу гранатасы, бір травматикалық қару, бір тапанша, екі карабина, үш автомат, 12 аңшылық мылтық, екі газ тапаншасы, бір тегіс ұңғылы помпалық мылтық бар. Табылған қаруларға сот-баллистикалық сараптама тағайындалды.

Жамбыл облысының Полиция департаменті қарудың, оқ-дәрілердің, арнайы құралдардың орналасқан жері туралы хабарлаған немесе оны полицияға өз еркімен тапсырған адам, егер оның басқа құқық бұзушылықтарға қатысы болмаса, қылмыстық және әкімшілік жауапкершілікке тартылмайтынын еске салады.