Брюссельде карантин шаралары күшейтілмек

Брюссель қаласы басшылығы коронавируспен күрес бойынша қатаң шаралар қабылдады, деп хабарлайды Taunews.kz.    

Бұл бір апта ішінде Бельгияда енгізілген тыйымдарға қатысты болып отыр.

Бельгияның ұлттық қауіпсіздік кеңесі 23 қыркүйекте көшеде маска кию міндетін және кәсіби ұйымдастырылған кештердегі меймандар санына шектеуді алып тастады. Дегенмен, Ұлттық қауіпсіздік кеңесінің бұл шаралары медициналық сарапшылардың наразылығын тудырды, олар корольдіктің қауіпсіздік органы олардың пікірін елемеді деп мәлімдеді. Фламандияның бес университетінің ректорлары да қарсы болды, олар өз студенттеріне карантиннің бұрынғы қағидаларын ұстануға кеңес берді.

Брюссельдің министр-президенті Руди Вервурт аймақтағы дағдарыс тобының шұғыл отырысын шақырып, жаңа талаптарды жүктеді.

Аталған шаралар 2020 жылғы 1 қазаннан бастап күшіне енеді.