Disney пандемияға байланысты 28 мың қызметкерді қысқартпақ

Америкалық Walt Disney компаниясы коронавирустық пандемияға байланысты бірқатар экономикалық проблемаға тап болғанын, салдарынан АҚШ-тағы 28 мың қызметкерді қысқартуға мәжбүр болғанын мәлімдеді, -деп хабарлайды Taunews.kz.  Бұл туралы Bloomberg агенттігі жазды.

«Бұл қадам қаншалықты ауыр болса да, бизнесімізге COVID-19-дың тигізген әсері салдарынан қолға алуға болатын жалғыз жол», - деді компания басшылығы.

Агенттіктің хабарлауынша, тақырыптық парктер, круиздік кемелер, бөлшек сауда кәсіпорындарының қызметкерлері, сондай-ақ, басшылық мүшелері қысқартылады. Олардың жартысынан көбі толық емес жұмыс күні режимінде қызмет еткен.

Жалпы, пандемия басталғанға дейін компания штатында шамамен 100 мың жұмысшы болған.