USD
Бүгін – еліміздегі мәнерлеп сырғанау өнеріне зор үлесін қосып, әлемге атын паш еткен, халықаралық деңгейдегі спорт шебері Денис Теннің туған күні. Қазақстан халқының мақтанышы көзі тірі болғанда 32 жасқа толар еді.
Денис Тен 1993 жылы 13 маусымда Алматыда дүниеге келген. Ол 2009 жылы әлем чемпионатына алғаш рет қатысып, үздік он мәнерлеп сырғанаушының қатарына кірді. Осылайша Қазақстанға Ванкувер Олимпиадасына қос бірдей жолдама алып берді. 2010 жылғы Олимпиадада ең жас қатысушы болғанына қарамастан, он бірінші орыннан көрінді.
2011 жылдың ақпанында Қазақстанда өткен VІІ қысқы Азия ойындарында Денис Тен алтын жүлдені алды.
Канадада өткен әлем чемпионатында Денис өзінің жеке рекордына – 266,48 балға қол жеткізді. Еркін бағдарламада үздік шығып, қорытындыда канадалық Патрик Чаннан небәрі 1,3 балға қалып, күміс жүлдені еншіледі. Сөйтіп қазақстандық мәнерлеп сырғанаушылар арасында алғаш рет әлем чемпионатының жүлдегері атанды.
Денис Тен 2018 жылдың 19 шілдесінде қайғылы жағдайда қаза тапты. Оның есімі ел есінде спорттағы жетістіктерімен және жарқын болмысымен сақталып қалды.
