Астана әуежайы жолаушыларға үндеу жасады

Астана әуежайы жолаушыларға уақытша шектеулер туралы ескертті.

Әуежайдың баспасөз қызметі мәліметінше, 16-18 маусым аралығында Қазақстан астанасында «Орталық Азия – Қытай» халықаралық форумы өтеді. Осыған байланысты Астанада жол қозғалысы сызбасы уақытша өзгереді.

Жолаушыларға кешігулер мен қолайсыздықтардың алдын алу үшін сапарын алдын ала жоспарлауға кеңес берілді.

Құрметті жолаушылар! «Орталық Азия – Қытай» форумы өткізілуіне байланысты 16-18 маусым аралығында Астанада жол қозғалысына уақытша шектеулер енгізіледі. Атап айтқанда, әуежайдан Мәңгілік Ел даңғылына дейінгі (Қабанбай батыр бойымен) учаскеде кептелістер болуы мүмкін, – делінген хабарламада.

Ұшып кететін жолаушыларға да мүмкін болса, балама бағыттарды қарастыру ұсынылған.

Сапарыңызды алдын ала жоспарлауыңызды сұраймыз, мүмкін болатын шектеулерді ескере отырып. Ертерек шығуды және балама маршруттарды таңдауды ұсынамыз.

Аталған кезеңде ұшу кестесінде өзгерістер болуы мүмкін. Өздеріңіздің әуекомпанияларыңыздан өзекті ақпаратты нақтылап алыңыздар. Түсіністік танытқандарыңыз үшін алғыс білдіреміз және сәтті сапар тілейміз! – делінген хабарламада.