Астанада қосымша 1,5 мың жұмыс орны ашылады

Астана қаласының әкімі Жеңіс Қасымбек Instagram парақшасында елордадағы инвестжобалар жайлы жазды.

Қала басшысының сөзіне қарағанда, 2024 жылы қала экономикасына 2 трлн теңгеге жуық инвестиция тартылды, бұл 2023 жылғы көрсеткіштен артық.

Инвестициялық штаб отырысында инвесторлардың бірқатар ұсынысын қарадық. Мысалы, олардың қатарында металл конструкцияларын өндіретін және теміржол көлігіне сервистік қызмет көрсететін зауыттың, жиһаз дайындайтын өндірістік кешеннің, медициналық қолғап шығаратын зауыттың құрылысы бар, – деп жазды әкім.

Қасымбек А+ класты көлік-логистикалық орталығы, 460 орындық балабақша, тыңайтқыштар мен пестицидтер өндіретін агрохимиялық кешен және т.б. салуды қамтитын жобалар қарастырылғанын тілге тиек етті.

Аталған жобалар шамамен 1500 жұмыс орнын ашуға мүмкіндік береді, – деп қосты әкім.