USD
Филиппин жағалауында магнитудасы 7,8 балл болатын жойқын жер сілкінісі тіркелді. Зілзаладан кейін бірнеше елде цунами жүру қаупі туралы ескерту жарияланды.
8 маусым күні таңертең Филиппиндегі Минданао аралы жағалауында магнитудасы 7,8 болатын күшті жер сілкінісі тіркелді. Осыған байланысты Филиппин, Индонезия және АҚШ елдерінің цунами туралы ескерту жүйесі бір уақытта су тасқыны қаупі туралы хабарлама таратты.
Германияның Геоғылымдар зерттеу орталығының (GFZ) мәліметінше, жер сілкінісі теңіз түбінен шамамен 10 шақырым тереңдікте болған. Жер асты дүмпулері Филиппиннің оңтүстігінде және Индонезияның солтүстігінде анық сезілген.
Эпицентрге жақын орналасқан Сарангани провинциясында электр қуаты мен байланыс жүйелерінің жұмысы бұзылды, ал құтқару жұмысына байланысты мектептер уақытша жабылды.
«Филиппиннің Вулканология және сейсмология институты жер сілкінісінен кейін бірнеше сағат ішінде биіктігі 1 метрден асатын цунами толқындары болуы мүмкін екенін ескертті. Осыған байланысты жергілікті билік жағалаудағы аудандардың тұрғындарын шұғыл түрде биік жерлерге эвакуациялады. Филиппин президенті Фердинанд Маркос үкіметтің төтенше жағдайға ден қою жұмысын үйлестіріп жатқанын және келтірілген залалды бағалау жүргізіліп жатқанын мәлімдеді. Сонымен қатар Индонезия билігі ел аумағында айтарлықтай шығын тіркелмегенін хабарлады», – деп жазады басылым.
Филиппин де, Индонезия да Тынық мұхитының «қауіпті белдеуінде» орналасқан. Бұл аймақ жоғары сейсмикалық белсенділігімен және жиі болатын жер сілкіністерімен белгілі.
