Месси өзінің бұрынғы командасына қарсы ойнайды

Маусымның 23-інен 24-іне қараған түні АҚШ-та клубтық әлем чемпионатының топтық кезеңнің соңғы туры басталды.

B тобының плей-офф кезеңіне шығуға «Пари Сен-Жермен», бразилиялық «Ботафого» және «Атлетико Мадрид» үміткер болды.

Диего Симеоне жаттықтыратын командаға топтан шығу үшін бразилиялық «Ботафогоны» +2 айырмашылықпен жеңуі немесе ПСЖ-ның Сиэтл аутсайдерлерімен ойында ұпай жоғалтуына үміт арту қажет еді. Алайда Париж командасы 2:0 есебімен жеңіске жетті, ал испаниялық ұжым тек 87-минутта гол соғып, 1:0 есебімен жеңіске жетті.

Нәтижесінде ПСЖ топта бірінші орынды иеленді, «Ботафого» екінші орынға шықты, ал «Атлетико» соғылған және жіберілген голдардың айырмашылығы бойынша жарыстан шығып қалды. Айта кетейік, турнир басталмай тұрып суперкомпьютер испаниялық команданы сегіз басты фавориттің қатарына қосқан болатын.

А тобында топтан шығуға «Порту», «Интер Майами» және «Палмейрас» таласты. Соңғы екеуі өзара кездесті. Бразилия мен АҚШ клубтары 4 голдан соғып, көрерменге тартысты матч сыйлады: Альене мен Суарестің голдарына Паулиньо мен Маурисио жауап берді.

«Интер Майами» мен «Палмейрас» 2:2 есебімен тең тарқасса, «Порту» мысырлық «Әл-Ахли» командасымен 4:4 есебімен тең ойнап, турнирден шығып қалды.

Турнир регламентіне сәйкес, А тобының бірінші командасы B тобының екінші командасымен ойнайды. «Интер Майами» доп айырмашылығы бойынша «Палмейрастан» артта қалып, ПСЖ-мен кездесетін болды.

Еске сала кетейік, 2021 жылдан 2023 жылға дейінгі аралықта «Интер Майами» көшбасшысы, аргентиналық шабуылшы Лионель Месси француз клубында өнер көрсеткен. Мессидің бұрынғы командасына қарсы ойыны 29 маусымда өтеді.