Орталық сайлау комиссиясы Құрылтай депутаттарын тіркеп, куәлік пен төсбелгі табыстады

ОСК Құрылтайдың 145 депутаттарын ресми түрде тіркеді

Орталық сайлау комиссиясының XVI отырысында Қазақстан Республикасы Құрылтайының жаңадан сайланған депутаттарын тіркеу мәселесі қаралды. Жиынға Құрылтай құрамына сайланған барлық депутат қатысты.

ОСК төрағасы Нұрлан Әбдіров депутаттардың өкілеттігі Орталық сайлау комиссиясында ресми тіркелген сәттен бастап күшіне енетінін атап өтті. Бұл норма «Қазақстан Республикасының Құрылтайы және оның депутаттарының мәртебесі туралы» Конституциялық заңның 44-бабында бекітілген.

Отырыста ОСК төрағасының орынбасары Мұхтар Ерман депутаттарды тіркеуге қатысты қаулы жобалары дайындалғанын хабарлады. Жалпы, бес саяси партиядан сайланған 145 депутат тіркелді.

Олардың ішінде:

• «Әділет» партиясынан – 110 депутат;
• Жалпыұлттық социал-демократиялық партиядан – 8 депутат;
• «Ауыл» партиясынан – 10 депутат;
• «Ақ жол» Қазақстанның демократиялық партиясынан – 8 депутат;
• «Respublica» партиясынан – 9 депутат.

Осылайша, Орталық сайлау комиссиясының шешімімен Құрылтайдың жаңа депутаттары өздерінің өкілеттіктерін ресми түрде бастады.