Отбасының көзінше Шерзат Полаттың жүрек тұсына пышақ сұққан – прокурор

Бұл туралы Шерзат Болаттың ісі бойынша прокурор Ержан Құрақбаев мәлімдеді.

Талдықорғандағы қылмыстық істер жөніндегі мамандандырылған ауданаралық сотында Шерзат Болаттың ісі бойынша сот отырысы өтіп жатыр. Бұл іс бойынша 9 адамға айып тағылып отыр. Олардың бірі – кәмелетке толмаған.

Күдікті өзімен бірге алып келген ас үй пышағын пайдаланып, Шерзат Болатты қазаға ұшыратуды ойлаған. Қылмыстық ойын іске асыру үшін Шынасыл Болаттың, Нұрымов пен анасының, әжесінің көзінше жүрек тұсына бір рет пышақ сұғып алған. Салдарынан Шерзат Болат асфальтқа отырып қалған, – деді прокурор Ержан Құрақбаев.

Сот отырысы алқабилерсіз қаралып жатыр. Сотталушылар іске алқабилерді тартуға қарсы болды.

Сотта процесті Талдықорғанда емес, қылмыс болған Талғарға жақын Қаскелеңде өткізу туралы өтініш жасалды, алайда судья Ержан Жанұзақов Қарасай ауданында тергеу изоляторы жоғын айтып, бұл өтінішті қанағаттандырмады.