USD
Қарағанды облысында есірткі саудасының жолы кесілді. Аймақта есірткі таратқан 30 жастағы ер адам ұсталды.
Өңірлік Полиция департаментінің мәліметіне сүйенсек, күдікті қылмыс үстінде ұсталды. Тінту кезінде оның жанынан 30 орам гашиш табылды. Жалға алынған пәтерінен 7 келі есірткіге ұқсас ұнтақ зат тәркіленді.
«Қазіргі уақытта сотқа дейінгі тергеу амалдары жүргізілуде. Алынған заттарға сараптама тағайындалды.
Мұндай қылмыс үшін ұзақ мерзімге бас бостандығынан айыру жазасы қарастырылған», – делінген облыстық ПД хабарламасында.
