USD
Қазақстанда 2026 жылдың 1 қаңтарынан бастап ескі көліктерге арналған жаңа салықтық жеңілдіктер күшіне енеді.
Бұл жеңілдік 4 миллионға жуық автокөлік иесін қамтиды. Бұл туралы Үкіметтің мәліметіне сүйене отырып, Finratings.kz мәлімдеді.
Көлік салығындағы өзгерістер
Ұлттық экономика министрі Серік Жұманғарин Сенаттың жалпы отырысында хабарлағандай, жаңа түзетулерге сәйкес, автокөлік салығына жасына байланысты түзету коэффициенттер енгізіледі. Бұл өзгерістер былай жүзеге асады:
- 10 жылдан 20 жылға дейінгі көліктерге – 0,7 коэффициент (яғни 30% жеңілдік),
- 20 жылдан асқан көліктерге – 0,5 коэффициент (яғни 50% жеңілдік).
Министрдің айтуынша, бұл шаралар елдегі автокөлік иелеріне шамамен 30 млрд теңге үнемдеуге мүмкіндік береді.
Неліктен бұл маңызды?
Соңғы деректерге сүйенсек, Қазақстанда 5,5 миллионға жуық жеңіл көлік тіркелген. Демек, бұл салықтық жеңілдік елдегі автопарктің едәуір бөлігін қамтиды.
Сондай-ақ, 2013 жылдан кейін әкелінген, үлкен көлемді қозғалтқышы бар көліктерге салынатын жоғары салықты алып тастау мәселесі де қаралуда. Бұл да көлік иелерінің қаржылық жүктемесін азайтпақ.
