Қазақстанда ең төменгі жалақы 110 мың теңгеге дейін көтеріледі
18 қараша күні Құрылтай депутаттары 2027–2029 жылдарға арналған республикалық бюджет туралы заңды қабылдады. Құжатқа сәйкес, Қазақстанда ең төменгі жалақы мөлшері қазіргі 85 мың теңгеден 110 мың теңгеге дейін ұлғаяды.
Заң жобасы екінші және үшінші оқылымда қаралып, мақұлданды. Ең төменгі жалақыны көтеру туралы тапсырманы бұған дейін Президент Қасым-Жомарт Тоқаев өз Жолдауында берген болатын.
Сонымен қатар республикалық бюджет аясында қосымша 114,1 млрд теңге бөлу қарастырылған. Қаражат бірнеше бағытқа бағытталады:
- 75,9 млрд теңге – ең төменгі жалақыны 85 мыңнан 110 мың теңгеге дейін көтеруге;
- 20 млрд теңге – дәрігерлердің жалақысын арттыруға;
- 600 млн теңге – орта мектептерге жасанды интеллект технологияларын енгізуге;
- 17,6 млрд теңге – басқа да шығындарға бөлінеді.
Осылайша, жаңа бюджет аясында ең төменгі жалақыны арттырумен қатар, медицина қызметкерлерін қолдау және білім беру саласын дамытуға қосымша қаражат қарастырылды.
USD