Қылыштар мен алтын теңгелер: Кәрім Мәсімовтен тәркіленген қазына аукционға шығарылды

ҰҚК-нің бұрынғы төрағасынан тәркіленген мүліктер электронды аукционға қойылды.

Жалпы бастапқы құны – 14,8 млн теңге. Сауда 15 тамыз күні сағат 10:00-де өтеді.

Лоттар қатарында: – 139 мың теңгенің зергерлік бұйымдары мен бижутериясы, – 8,6 млн теңгеге бағаланған кәдесый теңгелер мен қаламдар, – 6 млн теңгенің белбеулері мен суық қару түрлері бар.

Ерекше лоттар қатарында: – Elizabeth II бейнеленген кенгуру суретті монета – 3,1 млн теңге, – Айдаһар бейнеленген монета – 1,2 млн теңге, – 10 қылыш, ең қымбаты – сары металдан, қынабымен – 1,1 млн теңге, – Күмістен жасалған ұлттық нақышты қалам – 628 мың теңге. Аукционға қойылған заттар арасында коллекциялық және кәдесыйлық бұйымдар көп.