Тағылыққа үндейтін “тағылым”

Ағарту емес, арандату! Бірлікке емес, бүлікке үндеу! Тағылымға емес, тағылыққа шақыру! Бұл – бүгінгі таңда әлеуметтік желіде жұртқа уағыз айтып жүрген кейбір діндарсымақтың жасап жүрген тірлігі. Дін тақырыбын арзан атақ пен танымалдықтың құралына айналдырып алған олар халықтың салт-дәстүріне тіл тигізіп, ұлттық құндылықтарды әдейі бұрмалап көрсетеді. Тіпті шектен шығып, Наурыз сияқты ұлттық мерекені «харам» деп жариялап, ал адамгершілікке де, заңға да қайшы әрекеттерді «халал» деп ақтауға тырысады.