USD
Жамбыл облысының Шу ауданындағы диқандар биылғы суару маусымында 120 млн текше метр су пайдаланған. Бұл – «Қазсушар» филиалымен жасалған келісімшартта белгіленген көлемнен 6,1 млн текше метрге артық.
Су ресурстары және ирригация министрлігінің мәліметінше, аудан бойынша 836 келісімшарт жасалып, бастапқы жоспарға сәйкес Тасөткел су қоймасынан 113,9 млн текше метр су беру көзделген еді. Бұл көлем 13 207 гектар егістік жерді суаруға жеткілікті болатын.
Қазір шаруаларға су жеткізу жалғасып жатыр. Диқандар өнімдерін жинап, «Қазсушардың» Жамбыл филиалына және Су ресурстары және ирригация министрлігіне ризашылығын білдіруде.
Қазіргі таңда Тасөткел су қоймасында 128,3 млн текше метр су бар. Бұл көлем вегетациялық кезеңді тұрақты өткізуге жеткілікті.
- Су қоймасы жыл басында бекітілген кестеге сәйкес жұмыс істеп тұр.
- Су тапшылығы болмайды, шаруалардың сұранысы толық қамтамасыз етілуде.
- Қыркүйек айында Тасөткелде су жинау жұмысы басталмақ.
