USD
Франция ұлттық құрамасының жаңа бас бапкері ресми түрде белгілі болды. Атақты футболшы әрі мадридтік «Реалдың» бұрынғы жаттықтырушысы Зинедин Зидан француз командасының тізгінін қолға алды.
Франция футбол федерациясы 54 жастағы маманмен төрт жылдық келісім жасалғанын хабарлады. Зидан бұл қызметте 2012 жылдан бері ұлттық құраманы басқарған Дидье Дешамның орнын басады.
Бұл тағайындау Зиданның бапкерлік мансабындағы ұзақ үзілістен кейінгі оралуы болды. Ол соңғы рет «Реал» клубын жаттықтырған. Мадридтік командамен бірге француз маманы 11 жүлде жеңіп, Чемпиондар лигасын үш рет қатарынан бағындырған тарихи жетістікке қол жеткізді.
Зинедин Зидан футболшы ретінде де Франция құрамасымен үлкен жетістіктерге жеткен. Ол 1998 жылы әлем чемпионы атанып, екі жылдан кейін Еуропа чемпионатын жеңіп алды.
