USD
Атырауда таңертең қалалық саябақтан үш жасар бала жалғыз өзі табылды. Баланың жанында ешқандай ересек адам болмаған, сондай-ақ оның үстінде киім болмаған.
Оқиғаны 16 тамыз күні саябақ маңынан өтіп бара жатқан тұрғындардың бірі байқап, дереу полицияға хабарлаған. Ер адам баланың қауіпсіздігіне алаңдап, 102 нөміріне қоңырау шалған.
Шақыртуға патрульдік полиция қызметкерлері аттанып, шамамен 10 минут ішінде оқиға орнына жеткен. Тәртіп сақшылары баланы қауіпсіз жерге алып, ата-анасы анықталғанға дейін оның жанында болған.
Полиция қызметкері баланы тыныштандырып, онымен байланыс орнатуға тырысқан. Осы уақытта басқа қызметкерлер баланың жеке басын анықтап, ата-анасын іздестірген.
Көп ұзамай полиция баланың анасын анықтады. Үш жасар бала аман-есен анасына тапсырылды.
Қазіргі таңда оқиғаның мән-жайы анықталып жатыр.
