Ажырасу дауы қайғылы аяқталды: Семейде әйел көз жұмды

Семейде әйелін өлтірді деген күдікпен ер адам сот алдында жауап береді

Семейде әйеліне өлімге әкелген соққы жасады деген күдікпен ер адамға қатысты қылмыстық іс сотқа жолданды. Қайғылы оқиғаға қатысты сот отырысы 29 шілдеде басталады.

Алдын ала мәлімет бойынша, 52 жастағы әйел сәуір айында күйеуіне ажырасу туралы шешімін айтқан. Туыстарының сөзінше, осыдан кейін ер адам әйелінің жеке заттарын, құжаттарын және балаларының құжаттарын өртеп жіберген.

Кейін күдікті әйелді аңдып, оған бейсбол сойылымен шабуыл жасағаны айтылады. Салдарынан алған ауыр жарақаттардан әйел оқиға орнында көз жұмған.

Марқұмның жақындарының айтуынша, ер адам ұзақ уақыт бойы алкогольге тәуелді болып, әйеліне күш көрсеткен. Ажырасуға ниет білдіргеннен кейін де оны мазалап, қудалауын жалғастырған.

Қылмыстан кейін күдікті біраз уақыт бой тасалағанымен, көп ұзамай ұсталып, қамауға алынған. Оған қатысты іс «Адам өлтіру» бабы бойынша қаралып жатыр.

Тергеу аяқталып, қылмыстық іс сот қарауына жіберілді.