USD
Мемлекет басшысы Қасым-Жомарт Тоқаев Қазақстан халқына Жолдауында биыл «Достық — Мойынты» теміржолының екінші желісі іске қосылатынын және оның ұзындығы 836 шақырым болатынын хабарлады.
«Әлемде транзит үшін бәсеке күшейіп бара жатыр. Басқа, арзан, балама бағыттар ұсынылып жатыр. Транзиттік тасымалдың көлемін арттырғымыз келсе, алдын ала әрекет етіп, бір қадам алда болуымыз керек. Тағы да қайталап айтамын: инфрақұрылымды жаңғырту ісін одан әрі жалғастырып, осы салада озық ел болу үшін цифрландыру мен жасанды интеллектіні кең ауқымда қолдану қажет», – деді Тоқаев.
Президенттің айтуынша, биыл ұзындығы 836 шақырым теміржол желісі іске қосылады.
««Достық – Мойынты» теміржолының екінші желісі іске қосылады. Жобаны өз күшімен өте қысқа мерзімде жүзеге асырдық. Бұл жолдың маңызы ерекше: ол Шығыс пен Батыс арасындағы жүк өткізу мүмкіндігін айтарлықтай арттырады. Бірақ мұнымен тоқтап қалуға болмайды. Үкімет «Бақты – Аягөз» және «Қызылжар- Мойынты» бағыттарын уақытында жүзеге асыруға тиіс. Негізгі бағыттар аясында автокөлік жолдарына да мән берген жөн. Жол салғанда транзиттің маңызына ерекше көңіл бөлген жөн. «Сексеуіл-ейнеу» бағытын да жеделдету қажет»,- деді Мемлекет басшысы.
