USD
Германияда биыл аптап ыстықтың салдарынан қайтыс болғандар саны 9800 адамға жетті. Бұл туралы Роберт Кох атындағы институт (RKI) мәлімдеді. Мамандардың айтуынша, бұл көрсеткіш 2016 жылдан бері толық жылдар арасындағы ең жоғары деңгей болып отыр.
Сарапшылардың бағалауынша, 2026 жылғы ең ыстық кезең маусым айының екінші жартысына сәйкес келген. Осы уақытта Германияның көптеген аймақтарында ауа температурасы +40 градусқа дейін көтеріліп, қатты ыстықтың әсерінен 5 мыңнан астам адам қайтыс болған.
RKI мәліметтері бойынша, ыстықтан көз жұмғандардың басым бөлігі — 75 жастан асқан қарт азаматтар. Олардың ішінде әйелдердің саны ер адамдарға қарағанда көбірек болған. Мамандар бұл жағдайды егде жастағы тұрғындар арасында әйелдердің үлесі жоғары болуымен байланыстырады.
Институттың есебінде бұған дейінгі ең жоғары көрсеткіш 2018 жылы тіркелгені айтылған. Сол жылы Германияда аптап ыстық салдарынан шамамен 8900 адам қайтыс болған.
Дәрігерлердің түсіндіруінше, жоғары температура көп жағдайда өлімнің тікелей себебі болмайды. Алайда аптап ыстық жүрек-қан тамырлары және басқа да созылмалы ауруларды асқындырып, адам денсаулығына үлкен қауіп төндіреді.
Осыған байланысты мамандар медициналық мекемелердегі салқындату жүйелерін жақсарту қажеттігін атап өтті. Қазіргі таңда Германиядағы аурухана палаталарының тек аз бөлігі ғана кондиционерлермен немесе басқа да ауа салқындату құрылғыларымен жабдықталған.
