Зорлық-зомбылық құрбандарына 200 мың теңгеге дейін ғана өтемақы төленеді: Имашева қор жұмысына өзгеріс енгізуді ұсынды
Құрылтайдың жалпы отырысында депутат, «Әділет» партиясы фракциясының мүшесі Снежанна Имашева зорлық-зомбылық пен өзге де ауыр қылмыстардан зардап шеккен азаматтарға төленетін өтемақы мәселесін көтерді. Ол Бас прокурорға, Ішкі істер және Қаржы министрлеріне депутаттық сауал жолдап, қолданыстағы жүйедегі бірқатар кемшілікті атап өтті.
Депутаттың сөзінше, жәбірленушілердің құқығын қорғау және оларға материалдық қолдау көрсету мақсатында 2018 жылы «Жәбірленушілерге өтемақы төлеу қоры» құрылған. Бұл қор қылмыстан зардап шеккен азаматтардың белгілі бір санаттарына біржолғы қаржылай көмек береді.
Олардың қатарында зорлық-зомбылық көрген балалар, АИТВ инфекциясын жұқтырғандар, адам саудасы мен қанаудың құрбандары, денсаулығына ауыр зиян келген азаматтар, сондай-ақ жақындары қылмыс салдарынан қаза тапқан адамдар бар.
Алайда Снежанна Имашева қордың қызметіне қатысты шешімін таппаған мәселелер жеткілікті екенін айтты.
Депутат келтірген Қаржы министрлігінің мәліметіне сәйкес, қор құрылғаннан бері оған 9 миллиард теңгеден астам қаражат түскен. Сегіз жыл ішінде шамамен 5,5 мың адамға 855 миллион теңгеден астам өтемақы берілген. Ал қордағы қалған қаражат көлемі 8,5 миллиард теңгеге жуықтайды.
Имашеваның пікірінше, өтемақы алуға құқығы бар азаматтардың барлығы бірдей бұл мүмкіндікті пайдалана алмай отыр. Сондықтан олардың қордан көмек сұрап жүгінбеу себептерін анықтау қажет.
Депутат тағы бір маңызды мәселе ретінде тө
USD