Отандық діни білім – бірлікке бастайды

Елімізде отандық діни білім берудің озық үлгісі қалыптасты. Білім және кадр даярлау – Қазақстан мұсылмандары діни басқармасы басымдық берген бағыттардың бірі. Еліміздегі ислами білім беру жүйесі бес деңгейде қызмет атқарады.Оқытылатын оқулықтар, әдебиеттер мен оқу бағдарламасын мүфтият бекітеді. Еліміздегі медресе, университетті тәмамдаған мамандарға сұраныс жоғары. Олар ғибадат үйлерінен бөлек мемлекетттік мекемелерде де қызмет етуде. Тіпті, шетелде оқып, ел ішіне іріткі салмақ болған деструктивті діни ұйымдарды оңалту шаралаларына да тартылды.